நீங்காது நீங்காது அடியாரைத்

மலஹரி ராகம்
சாப்பு தாளம்

கண்ணிகள்

நீங்காது நீங்காது அடியாரைத் தூஷித்த பாவம்
நீங்காது நீங்காது பாங்காய் நீ கேள் நெஞ்சே [நீ]

கிட்டாது கிட்டாது துஷ்டர்க்கரிலோகம்
கிட்டாது கிட்டாது கெட்டுப் போகாதே நெஞ்சே [நீ]

தேராது தேராது ஸாரமில்லா ஞானம்
தேராது தேராது ஆயிர நாமம் சொல் [நீ]

வழியேது வழியேது பழித்திடுவார்க்கு நல்
வழியேது வழியேது தெளிவாய்ப் பாடு [நீ]

பண்ணாதே பண்ணாதே கண்ணணையன்றி த்யானம்
பண்ணாதே பண்ணாதே நண்ணா பாவம் [நீ]

உரையாதே உரையாதே ஹரிநாமத்தைவிட்டு வேறு
உரையாதே உரையாதே கரையேற்றுவதார் [நீ]

அடையார்கள் அடையார்கள் கெடு நடை யுடையவர்கள் முக்தி
அடையார்கள் அடையார்கள் படைத்தானேன் அயன் [நீ]

சுகமேது சுகமேது ஜெகந்நாதனை விட்டுவிட்டால்
சுகமேது சுகமேது அகமே யீதறி [நீ]

கூடிவாழ் கூடிவாழ் அடியார்களுடனே நீ
கூடிவாழ் கூடிவாழ் நீடிய வினையறும் [நீ]

நடனம் செய் நடனம் செய் குடகூத்தனைப்பாடி
நடனம் செய் நடனம் செய் அடைந்திடுவாய் பரமபதம் [நீ]