காவேணுலோலா கோபாலா

கரகரப்பிரியை இராகம்
ஆதி தாளம்

பல்லவி

காவேணுலோலா கோபாலா எம்மைக்காவே

அநுபல்லவி

காவேறே திக்குண்டோசொல் காவேறே திக்குண்டோசொல்
காவேணுலோலா கோபாலா எம்மைக்காவே   [கா]

சரணங்கள்

முன்னே எம்மிடத்தில் என்னென்ன சொன்னாயிப்போ
மோசஞ் செய்யாதே ஓ கோபாலா   [கா]

எந்நேரமும் மருவார் பன்னா சனங்கொள்பதத்தை
எண்ணினோம் புண்ணிய ஓ கோபாலா   [கா]


கண்ணாணையுங்களை நான் எண்ணாமற்போகேனென்ற
கத்தன் நீ யல்லவோ கோபாலா   [கா]

விண்ணோர்க்குமரிதான கண்ணாவுன் திருமேனி
மேவப்பெற்றோமே கோபாலா   [கா]

மோகலாகிரி சுகபோக வாசையால் நொந்தோம்
முத்தந்தந்திடவா கோபாலா   [கா]

தாகமுடனே ஹரி ஏகபோக நல்லின்பம்
தந்தெங்களையாள் ஓ கோபாலா   [கா]

போகநல்லின்பம் தாவென் றேகமனமாய் வந்தோம்
போராடாதேவா கோபாலா   [கா]

சோகவேதனையினி யேகாவிடில் நம் தூலம்
சோர்வுற்றிடுமே ஓ கோபாலா   [கா]

ஆதரிப்பாய் ஓஹரி வேதங்கொடுத்த உனை
அடுத்தோம் விடாதே ஓ கோபாலா   [கா]

நா தா உனதுதிருப் பாதமலரே திக்கு
நடனகோபாலா மாலோலா   [கா]