நடனகோ³பாலுக் கௌ³நாஸ்தெனோ நஜ்ஜாய்

கண்ணினு

நடனகோ³பாலுக் கௌ³நாஸ்தெனோ நஜ்ஜாய்
நரகு பா³த³யே லோகு³ர் உஜிநி பு²ஜ்ஜாய்
வடபத்ரார்யுநு வாட்ஜநி சல்யேத் பாப் ஸெஜ்ஜாய்
வாமனாக் கௌ³நாஸ்தெங்கொ ஸெங்க³ம்கொ பு²ஜ்ஜாய்   [ந]

ஹரிநாமம் மெந்நாஸ்தெனொயே லோகுர் நஜ்ஜாய்
ஆஸெ தெங்கஹோ ரம்கொ தே³ஸ்தெ பு²ஜ்ஜாய்
ஹரி நமம் மெநெத் ரி:யெ பாபுநஸ்கி ஸெஜ்ஜாய்
ஆஸெ தீ²னும் மொந்ஹொதி அஸெஸ்தெ பு²ஜ்ஜாய்  [ந]

மொரநுஜ்வாவுகு த⁴க்குநாஸ்தகன் நஜ்ஜாய்
மோக்ஷி நீ:ஸ்தெ மார்க்³க³ம் கத்தெங்கு³ட் பு²ஜ்ஜாய்
பரமபத³மு ஹோர் ஹட்வன் ரி:யெத் பாப் ஸெஜ்ஜாய்
பாபின் ஜல்லொன்கி தெங்கொ ஸெங்க³ம்கொ பு²ஜ்ஜாய்   [ந]

ஸ்ரீ விஷ்ணு பி³ர்மம்மென் ஜந்நாஸ்தென நஜ்ஜாய்
ஸ்ரீநு போடும் உஜ்விநி அம்கொ பு²ஜ்ஜாய்
ஸ்ரீவிஷ்ணுக் த்⁴யான் கரேத் ரி:யெ பாபுநு ஸெஜ்ஜாய்
ஸ்ரீமந் நாராயண நடனகோ³பாலவி பொ³ல்ஜாய்  [ந]