மொந்நூ மீ ஸங்குஸைகி மோக்ஷிகுவாட் து³ர்

பல்லவி

மொந்நூ மீ ஸங்குஸைகி மோக்ஷிகுவாட் து³ர்
கு³ண்ணுந் ஸெர மிள்நா ரா:ஸ்தேஸ்வாட்   [மொ]

அநுபல்லவி

புந்நு பாப்ஹாலவெ ஸெரிரநித்யம் தொர
ஜுந்ந ஹட்வனுந் ஸோட்³ ஸோட்³ ஸோட்³ ஸோட்³   [மொ]

சரணு

நாம் லவ்ல் நாஸ்தெங்க நீ: மோக்ஷி ஹரி
நமம்மெநி நசியாஸ்தெங்கொ ஸே மோக்ஷி
நாம் ஹாத் து⁴வெஸ்தெகொ நீ: மோக்ஷி
நாம்ஹோர் பி³கித் லௌநாஸ்தெக ஸே மோக்ஷி   [மொ]

ஸத் கு³ருவுக் செர்னாஸ்தெக நீ: மோக்ஷி
ஸத் கர்மு கரஸ்தெக ஸே மோக்ஷி
ஸஹஸ்ர நமம் மெந்நாஸ்தெக நீ: மோக்ஷி
ஸத் கு³ண்ணு பொ⁴ரெஸ்தெக ஸே மோக்ஷி   [மொ]

ஸமாஸ்ரண கல்நாஸ்தெக நீ: மோக்ஷி
ஸதா³சார்யு செரெஸ்தெக ஸே மோக்ஷி
யெமா த⁴க்குநாஸ்தெக நீ: மோக்ஷி
ஸம்ஸார் கடில்லெஸ்தெக ஸே மோக்ஷி   [மொ]

அண்டு பா⁴த் ஜெமஸ்தெக தீ: மோக்ஷி
ஹடுல்நாஸ்தக் ஹந்த³ஸ்தெக ஸே மோக்ஷி
குண்டுவாட் சலஸ்தெக நீ:: மோக்ஷி வை
குண்டும:ட்வன் தெ²வெஸ்தெக ஸே மோக்ஷி   [மொ]

தா³ஸோ நாஸ்தெக நீ: மோக்ஷி
தா³ஸ§நு தா³ஸொ யெஸ்தெக ஸே மோக்ஷி
காஸநி க³ட³ஸ்தெக நீ: மோக்ஷி
கைங்கர்யம் கரஸ்தெக ஸே மோக்ஷி   [மொ]

மந்துர் ஐகுநாஸ்தெக நீ: மோக்ஷி
மாத⁴வாஸ் தே³வ்மெந் ஜநெஸ்தெக ஸே மோக்ஷி
மந்துர் ஜெபுநாஸ்தெக நீ: மோக்ஷி
மந்துர் ப்ரபா⁴வ் ஜநெஸ்தெக ஸே மோக்ஷி   [மொ]

பர தந்தூர் ஹோநாஸ்தெக நீ: மோக்ஷி
பர தந்தூர் ஹொயெஸ்தெக ஸே: மோக்ஷி
நியாவுநு கரஸ்தெமொ நீ: மோக்ஷி
நரஹரி ப⁴ஜநாமூஸ் ஸே மோக்ஷி   [மொ]

அவி க³வி நசுநாஸ்தெக நீ: மோக்ஷி
அவி ஐகெஸ்தெக ஸே மோக்ஷி
ஸெய்ல்நாஸ்த ஸிநெஸ்தெக நீ: மோக்ஷி
ஸிவிவாட் ஜநெஸ்தெக ஸே மோக்ஷி   [மொ]

ஹரிஸ் அதா⁴ரஸ்கி லோகுரு
ஹரிபதா³ல் அந்தா³ய் விவேகிநுகு
ஹரிவிநா தே³வ் நீ: க்³யாநிநுகு
அப்³பொ³ய்கியே அக்³யாநிநுகு   [மொ]

வடபத்ரார்யுநு வாட் தெ⁴ல்லே --யே
வாட்நா: மெனெஸ்தெநொ மு:டொ³ ஜல்லே
நடனகோ³பால் நமம் மெல்லே
விரஜாநெத்³தி³ஸேயே அண்ட³முஹொல்லே   [மொ]