மீ மெநஸ்தெ மமத ஹோநாரே--அரேரே மொந்நூ

பல்லவி

மீ மெநஸ்தெ மமத ஹோநாரே--அரேரே மொந்நூ
மீ மெநஸ்தெ மமத ஹோநாரே

அநுபல்லவி

மீ மெநஸ்தெ மமத ஹோநா
மீ தா³ஸ்மெநஸ் த²ட்வன் ஜான்ஹோநா
மீ ப்³ரஹ்மம்மெநி மெல்லஸ்தெகொ
மிஞ்செ நரக ப்ராப்தி ஹோய்ரே   [மீ]

சரணு

ஹரிகுதா³ஸ் ஹோநா ரா:ன்ஹோநாரே-- அரேரே மொந்நூ
ஹரிகுதா³ஸ் ஹோநா ரா:ன்ஹோநா
ஹரிகு மொந்நு து³வ்நொ கரனூஸ்ஹோநா
ஹரி பி²ரிஸியேத் பாபுன் ரா:நா
ஹரிகு நொம்மேத் ஜெலுமுநவ்நா   [மீ]

தா³ஸுநபி⁴மாநுஸ் வாட் தொகொ-- அரேரே மொந்நூ(தா³ஸு)
தா³ஸுநபி⁴மாநுஸ் வாடு
தா³ஸுநுக் ஸொடெ³த் க³தி நீ: யேடு
தா³ஸுநுக் தா³ஸ் ஹொய்கிநு தூ
கேஸவா ஹரி ப⁴ஜன காரி   [மீ]

ரத்கதி ஸந்தே³வ் ஹோநா யெமொ-- அரேரே மொந்நூ (ரத்கதி)
ரத்கதி ஸந்தே³வ் ஹோநாரே
கித்கதி கைங்கர்யம் கர்னோ
ஸிக்கெதீஸ் அவை யே அஸ்கி
தெ³க்கி தெ⁴ல்லெரே தே³வு வாடு   [மீ]

நடனக³பாலுகுஸ் நொம்மிரே--அரேரே மொந்நூ(நடன)
நடனக³பாலுகுஸ் நொம்மி
நடனகோ³பால் ஸேஸ்தெ கொம்மி
வடபத்ரார்யுந் வாட் சலேதீஸ்
கெடொ ஹிங்கு³ல்லுவாய் யே ஜல்லே   [மீ]