ஸ்ரீ ஹரி பரப்³ரம்ஹமுக் த்⁴யான்

கௌளிப³ந்து ராகு
ஆதி³ தாளு

கண்ணினு

ஸ்ரீ ஹரி பரப்³ரம்ஹமுக் த்⁴யான்
ஸொண்ணொகொ மொன்னு
ஸ்ரீ ஹரி தே³வ்வினா தே³வ்நீ: யேட்
ஜல்லரெ மொன்னு

அண்ட³ பிண்ட³ பி³ர்மா:ண்டு³ன்
தெகா⁴லுஸ் ஹொயெஸ்தெ ஏ
அண்ட³ பிண்ட³ பி³ர்மா:ண்டு³ன்
தெகொ பி⁴த்தரூஸ் ஸேஸ்தே

மவ்டி³வெடி³க் ஸாரே தாக்ஸொடி³
க²ளொரெஸ்தே லோகுர்
ஹொவ்டி³ஸொடி³ ஸெத்லாம் ஹரி
பி⁴த்தர் க²ள்ளொரெஸ்தே

ஸ்ருஷ்டி பிரம்ஹா பி⁴த்தரும்ரெ:ய்
ஹரிஸ் கரொரெஸ்தே
ஸ்ருஷ்டிம்ஸம்டெ ருத்து³ரும்ரெ:ய் ஹரி
ஸம்ஹார் கரொரெஸ்தெ

அஸ்கி தெகா⁴லூஸ் ஹொயஸ்தே
அதா⁴ர் தெனோஸ்ரே ஏ
அஸ்கிஜனெ ஆழ்வார்னு
க³வ்ரி:யாஸ்தெ ஸெய்லேரே

சித்தா சித்து ஸொரூப் மெனி
தத்வமுன் தீன் ஸேரே ஏ
ர:த்தவாட் கீ³தாதி³
வேது³னுமு ஸெய்லேரே

புன்னு கெர்யாஸ்தெனு
பூர்வாசாரினு ஜனொன் ஜு:க்கு
புன்னவை வொள்டியானுக்
புஜெ கேரி ஸொண்ணொகொ

ஸொண்ணொகொரே மொன்னு
வடபத்ராரினுக் வாட் ஜெலும்
க²ண்ணார:வாய் நடன
கோ³பால் ஜன்தொ யேட்   [ஸ்ரீ]